google-site-verification: googled759d78527e48fdd.html

Protokoll - Trachtengruppe

Trachtengruppe
Reichenbach-Kiental
Direkt zum Seiteninhalt
Protokoll
 
(ordentliche Hauptversammlung vom 30. März 2023 in Skipintli Faltschen)

 
Vorsitz:                                   Therese Imobersteg, Präsidentin
 
Protokoll:                                Susanne Mürner
 
Anwesende:                           Elisabeth Schneider, Marianne Bachmann, Emmi Steiner,
Silvia Oester, Nathalie Mürner, Brigitte Künzler, Elisabeth & Nicole Aellig, Martin Hofer, Konrad Aellig, Margrith Freistätter, Ursula Theiler, Marina Knutti (15)

 
 
1.)   Begrüssung:
 
Nach einem feinen z’Nacht begrüsst Therese die Anwesenden und bestimmt Marina als Stimmenzählerin.
 
Die vorgeschlagenen Traktanden sowie das provisorische Tätigkeitsprogramm wurde per Whats App zugestellt.
Die Anwesenden sind mit den Traktanden und dem Tätigkeitsprogramm einverstanden, beides wird einstimmig angenommen.
 
 
 
2.)   Protokoll:
 
Susanne schreibt das Protokoll und liest dies im Anschluss an die Versammlung vor.
 
 
 
3.) Jahresbericht:
 
Therese liest den Jahresbericht des letzten Vereinsjahr vor. Spannend was sich so alles während eines Jahrs ereignet, vielen Dank Therese für die kurzweiligen Ausführungen.
Die Anwesenden verdanken den Bericht mit Applaus, er wird einstimmig angenommen.
 
 
 
4.) Jahresrechnung:
 
Elisabeth Aellig gibt einen Überblick über die Jahresrechnung, die Aufstellungen sind übersichtlich aufgeführt, jedes Mitglied kann Einsicht über die Rechnung nehmen.
Die Revisorinnen Marina Knutti und Ursula Theiler kontrollierten die Aufstellungen und empfehlen der Versammlung, die Rechnung zu genehmigen.
Die Versammlung nimmt die Rechnung einstimmig an.
 
 
5.) Mutationen:
 
Eintritt:                                    Elisabeth Schneider wird mit tosendem Applaus aufgenommen
 Ebenfalls verdankt Therese die tatkräftige Unterstützung von
Silvia, vielen Dank!
 
Austritt:                                   Elisabeth und Conrad Aellig. Beide werden mit einem Geschenk verabschiedet
 
                                              Emmi Steiner
                                               Alle drei Mitglieder werden uns als Passivmitglieder treu bleiben
 
Auszeit:                                  Therese Imobersteg wird uns nach einem Jahr wieder
aktiv in der TG unterstützen

 
Neu werden sämtliche Mutationen bei Hansueli Wyss, TG Habkern gemeldet. Dies erfolgt über das offizielle Formular, welches an der HV zur Kontrolle vorliegt. Die korrigierte Version wird via «Zwischenstelle» (Frau Christen) schlussendlich bei Hansueli zur Mutation eintreffen.
 
 
 
 
6.) Wahlen:
Aufgrund der Präsidentendemission von Therese und des Austritts von Elisabeth aus dem Verein muss der Vorstand neu besetzt werden.
Der Vorstand schlägt folgendes vor:
Susanne & Martin übernehmen das Präsidium, Nicole wird Sekretärin, Ursi Kassierin und Elisabeth Schneider Beisitzerin.
Der neue Vorstand wird mit Applaus gewählt
 
 
Vorstand:
 
Co-Präsidium: Susanne Mürner, Martin Hofer
 
Vizepräsidentin: -
 
Kassierin: Ursula Theiler
 
Sekretärin: Nicole Aellig
 
Beisitzerinnen: Fränzi Zurbuchen & Elisabeth Schneider

 
Rechnungsrevisorinnen: Marina Knutti & Margrith Freistätter
 
 
7.) Tätigkeitsprogramm:
- Das Tätigkeitsprogramm wird durch den neu gewählten Vorstand erstellt und bei
  der ersten Übung im April verteilt
- Wir werden am 27. April 23 wieder mit dem Üben beginnen

Unsere Auftritte müssen bis ende August bei Marlies Mosimann gemeldet werden, sie werden neu gratis im TG-Heftli aufgeführt
 
 
8.) Ehrungen:
 
Dieses Jahr können folgende Mitglieder geehrt werden:
Emmi              55 Jahre (erhält ein Fotobuch)
 
Susanne         30 Jahre Aktivmitglied
 
Marianne        20 Jahre Kindertanzgruppe
 
       
 
Fleissig wurde auch im letzten Vereinsjahr getanzt und die Übungen besucht.
 
Die Tanzleitung notierte folgende Mitglieder, welche praktisch bei all unseren
 
22 Proben dabei waren:         
 
                       0 x fehlen:       Emmi, Brigitte, Fränzi und Peter
1 x fehlen:       Conrad und Therese
2 x fehlen:       Nicole, Ursi und Silvia
 
Martin, Nathalie, Lisi und Elisabeth erarbeiteten sich mit dem Losverkauf und dem Umzug ebenfalls einen Fleisspreis.
 
(Schlüssel für Fleisspreisverteilung: maximal 10% der Übungen dürfen gefehlt werden).
 
Therese dankt der Tanzleitung, dem Vorstand und den Trachtengruppenmitgliedern für unseren Zusammenhalt und den Vereinsgeist.
Nicole bedankt sich im Namen des Vereins bei Therese für all ihre Leistungen.
Und wer weiss, vielleicht unterstützt sie uns schon ab Herbst wieder J
 
 
9.) Verschiedenes:
 
·       Mittels Login kann das Tätigkeitsprogramm, die Adress- und Geburtstagsliste, die Statuten und Protokolle sowie das Pflichtenheft der KTG neu auf unserer Homepage besichtigt werden. Therese bemüht sich, dies baldmöglichst aktiv zu machen
 
·       Das Pflichtenheft der Kindertanzgruppe wurde überarbeitet und angepasst           
 
·       Die Kindertanzgruppenleiterinnen können neu ihre Spesen ebenfalls abrechnen
 
·       Therese erstellte ein neues Logo für die Kindertanzgruppe Reichenbach-Kiental, herzlichen Dank Therese für deine Arbeit
 
·       Silvia kann uns eventuell in Zukunft nicht mehr immer aushelfen, sie wird uns auf dem Laufenden halten wie es beruflich bei ihr weiter geht
 
·       Das TG-Heftli wird neu an jedes Mitglied versendet
 
·       Rosmarie Rentsch feiert dieses Jahr ihren 85. Geburtstag und erhält ein Blüemli.
 
·       Die KTG trat am AHV-Dorfet, im Altersheim und am Unterhaltungsabend auf
 
·       Unser TG-Material wird neu seinen Wohnort bei Lisi finden, besten Dank
 
·       Lisi fragt, ob das Trachtenzmorgä stattfindet? Der neue Vorstand wird sich baldmöglichst treffen und dies entscheiden
 
·       Martina gibt als Feedback, dass am Unterhaltungsabend das Nachtessen vor dem Programm gewünscht wurde
 
 
 
 
10.) Protokoll vorlesen und genehmigen:
 
Susanne liest das Protokoll vor. Die Anwesenden genehmigen das Protokoll mit Applaus,
die Hauptversammlung kann geschlossen werden.
 
 
 
 
 
 
                                                                                    Ende der Versammlung: 22. 00 Uhr
 
                                                                                    Für das Protokoll
 
                                                                                    Susanne Mürner

Jahresbericht HV 30. März 2023
 
 
Am 5. Mai simer voller Elan i ds nöjä Vereinsjahr gstartet, isch doch scho am Samschtig druf der Früehligsball ds Burgdorf gsi u da het mä scho  wellä parat si. U für ds trachtäzmorgä isch o nimme lang gangä.
 
Aber der Reihä na, ganz churzfrischtig isch vom Gwärbeverine ä Hilferuef cho, hi si doch vergässä üs adsfragä für Lösli ds verchufä, das himer ja bis jetz ging gmacht u natürlich himer o a därä Gwärbusstellig gholfä vom 20. Bis 22. Mai, äs isch gwüss wider ring gangä, aber d Füess hines scho chli weh ta, derfür himer üs abem Batzä gfröit wos für d Vereinskassä het geh.
 
U da himer am 1. Juni grad nachä dopplet. Endlich het der Uftritt vo dä Chind u üs im Altersheim chönnä statt findä, der Termin het passt u d Maskä si wäggfallä.
 
Bravurös himer üses Programm tanzet, ä super Huptprob für ds Zmorgä isch das gsi. Zur Belohnig hets äs Glässi u öppis ds trinkä geh.
 
 
Sunntig 12. Juni, ä uberus sunnigä Tag isch da gsi. Am sibni am Morgä simer parat gsi für alls ds vorbereitä, Ds Fränzi u Peter hi ir Chuchi d Ubersicht gha u d Nicole am Buffet. Wi ds Bisiwätter isch das gangä, alli hi apackt u ihres Beschtä geh. Willmer doch ä grossi Pousä vom letschtä Zmorgä wägä Corona hi gha, himer üs entschlossä, dä Morgä chli anders ds gstaltä. Mier hi fürä Gaffi, The, Rösti u Spiegelei im chlinä Saal äs Sälbstbedienigsbüffet ufgstell. Das het super funktioniert, d Lüt si u zfridä gsi, u we öpper sich nid sälber het chönnä bedienä, himer, wi d Jahr dervor, di feineä Sachä a Tisch bracht.
 
Derzwüschä himer no Tänz präsentiert u dä Chind bi ihrem Uftritt zuägugget. D Verlosig isch o wieder sehr guet acho. Alls i allem isches ä glungnigä Tag gsi womer mitämä gmeinsamä ässä hi abgschlossä, o für d Kassä hets guet usgseh.
 
Drum simer grad ga Bummlä am 15. Juni ids Tropähus. Äs isch ä sunnigä u sehr warmä Tag gsi, dä Midwuch, drum si di mischtä mitem Outo oder Bus statt ds Fuess uf Frutigä. Leider hani öich nid agmäldet gha als Gruppä u drum siter mier fasch verdurschtet, ds Restaurant isch  reserviert gsi, zum Glück gits no ä Kiosk am Bahnhof. Am abä simer ids Skipintli für ds Znacht, da hi doch du alli chönnä derbi si, Vorem Znacht isch du uf der Terassä ds ersch der Durscht glöscht wordä, mier hi fein gässä am nä schön decktä Tisch. Äs isch richtig gmüetlich gsi u natürlich ä bombä stimmig, wi ging we mier chönnä zämä ga fagantä. Äs isch grad witer gangä mit underwägs si, am Sunntig, 19. Juni hets ds letschtä Landestilträffä i därä Form geh. Am 12 simer i di chüeli Schlosskapällä ds Predigt, nächär ads Büffet zur Verpflegig u vor allem öppis gägä Durscht hets brucht. Isch das ä hissä Tag gsi, trotz däm himer flissig mittanzet, derzwüschä himer üs am Schattä still gha, di Hitz het nid allnä guet ta, d Abulanz het müessä cho. Mier hi scho ghofft vilech gsejä mier d Susann oder Tinel i Aktion, si aber du zwü anderi cho. Zum Glück isches dä Vorfall nid so schlimm gsi. Verpflegig d Getränk si gspändet wordä, Gottseidank, äs het u viel Flüssigs brucht.
 
Will das doch chli ä strängä Sunntug isch gsi, himer am Donschtig druf grad frei gmacht aber nächhär simer wider voll dra. Am 7. Juli we brätlä agsit gsi, d Marina hets Flisch bsorget, aber äbä, ds Läbä isch derzwüschä cho, us Familiärä oder Gsundhitlichä Gründ hets u viel Absagä geh, drum hi mer ds Brätlä verschobä u si id Summerferiä. Am 18. Juli himer müessä Abschied neh vom Kläri, äs langjährigs Mitglied u Gründerin vor Chindertanzgruppä, wo ds tanzä im Bluet het gha, zu sinä Ehrä simer ir Tracht ufä Friedhof.
 
 
Am 18. Auguscht si d Summerferieä für üs verbi gsi, mier hi wieder flissig güebt fürä Uftritt am Burämätit ds Ridäbach Boltigä. Het das gschiffet womer a Samschtig 3. September ds Simmätal obsig gfahrä si u o no womer am Ziel si acho.
 
Parkierä himer bir Madlen chönnä, mit Schirmä u der Muskibox simer  zum Schuelhus, der 1. Tanz isch wägem Wättern uf der Bühni gsi, aber plötzlich isch d Sunnä cho u mier hi ufem Platz ussä chönnä witertanzä, u wimer tanzet hi, ds Ursi het gar ihrer Schuäh düritanzet. Mit em Speaker isches so ä Sach gsi, d Silvia het gwüss sträng gha nä ging ds gfindä, är isch verantwortlich gsi für d Tanzmusik ds startä. O da hets öppis für d Kassä geh u natürlich öppis ds ässä u ds trinkä, zum Abschluss himer bir Madlen im  Gartä no äs Gaffi gnoh u de isches wider zrugg id Heimat. Am Sunntig druf der 11. September himer ä bsundrigä Uftrag gha, ds Wyfass vo dä Spiezer am Umzug ds begleitä, Martin isch da Organisator u Tätschmischter gsi.  Zämä mit dä Chind himer Bluemä u Täfli dörfä vertilä, äs isch scho chli äs Gjufel gsi, til Wägä hi der Turbo igschaltet gha u d Chind mit ihrä churzä Bi hi fasch nid nachä mögä, äs het aber glich allnä Spass gmacht.
 
Will mer grad so gwanet si underwägs dsi simer am Sunntig 18. September ga rislä.
 
Martin het ä Bus gmietet u sich grad als Chauffeur zur Verfüegig gstellt. Am halbi nüni simer losgfahrä gägä Solothurn, di Fahrt isch super gangä u scho simer am richtigä Ort acho. Jetz himer aber alli äs Gaffi brucht, ir Confiserie Hofer simer super bedient wordä, gstercht isches du witer zum Träffpunkt für d Füehrig gangä. Martin isch chli nervös wordä will sich dä Herr Emch nienä zigt het, dank Händy het sich das aber greglet. Meh als ä Stund simer dür das historischä Stedtli gloffä u hines interessants u Luschtigs la verzellä. Das het Hunger geh, zum Glück het Martin nid lugg glah u intensiv für näs Reschtaurant gugget u so himer im Kreuz  äs fein ds Zmittag chönnä gniessä.
 
Zum Verdouä isch ä Spaziergang durch d Verenaschlucht grad richtig gsi. Äs isch nid numä Idyllisch gsi, o bsinnlich bir Einsidler Kappällä, äs het üs uf all Fäll guet ta u mier hi doch du äs Dessert mögä nach däm Fuessmarsch. Öppä am halbi füfi isches wieder gägä him zuä. Ä isch sehr schön gsi, ds Wätter het passt u mier his u guet gha underänand. Dankä Martin, für ds Chauffierä u organisierä.
 
Will das so schön isch gsi himer am Donschtig druf ds Brätlä nachägholt. Ds Ursi het üs ds gaschträcht ir Frouäweid Kiental geh, endlich isch das Flisch us em Tiefchüehler ufä Grill cho, i bi leider nid derbi gsi, ha aber ghört, das dä Abä uberus ä  glungä isch gsi. Dankä Ursi für d Gaschtfründschaft.
 
Du isches i die wohlverdientä Herbschtferiä, di si am 20. Oktober verbi gsi. Hi mier üs gfröit das mier ä Iladig hi ubercho für ds Amtstanzträffä ds Habkerä. Vinächli ä grossi Tschuppälä simer gsi u äs het gfägt, ä Ufsteller isches o gsi, himer doch erläbt, das o modärns im Trachtätum platz het.
 
Mier hi ifrig güebt u üs vorbereitet uf ä Unterhaltigsabä aber o flissig Bachä fürä Chlousämärit. So himer a däm 6. Dezember vinächli viel Güezi u heissi Marroni chönnä verchufä u äs isch ä schönä Batzä ubrig blibä.
 
 
Am 15.Dezember ischd  Adventsfir gsi. Peter het ä Hammä im Brottig ibachä u derzuä hets feini Salät geh, isch das fein gsi, mier hi gwüss vinächli viel mögä ässä, sogar no äs Desseret.
 
De isch wieder ufglöst wordä vo wäm mier dür ds Jahr dür beschenkt u uberrascht si wordä u natürlich himer grad wieder früsch glöslet. Äs isch ä zfridnigä Abä gsi u mier his gwüss vinächli lang usghaltä.
 
Will mer nid ging alli si gsi zum Üebä himer scho am 5. Jänner wider mit Tanzä agfangä als Vorbereitig für ä Underhaltigsabä.
 
Zum Uflockerä simer am Fritig 27. Jänner a d Trachtä-Modeschou vor Belle Epoque.
 
Das isch gwüss no luschtig gmüetlich gsi u de hets derzuä no äs feins Zvieri geh.
 
Wi Models simer uberä Lufstäg, hines kehrt u dreiht u di Trachtä präsentiert.
 
Jetz himer no Guetschinä für ds Ruedihus oder ds Doldähorn uf Lager.
 
Endlich ischer da gsi dä Tag vom Underhaltigsabä, mier hi gwüss afä chli blanget, isches doch ä lengi Pousä gsi nachem letschtä mal.
 
Drum himer der Abluf vo däm Abä grad nöi gstaltet.Tombola Los himer reduziert u Buffet hets kis geh, derfür nachem Programm Täller mit warmer Hammä u Härdöpfelsalt u zur Garnitur chli Rüeblisalt. Schön hisi usgseh di Täller u fein isches de o grad gsi.
 
Aber äbä, öppis nöis uszprobierä isch nid ging ifach, mier hi scho chli Bammel gha wi das achunnt, öb mer de trotzdäm gnuä Lüt hi, u de isch äbä ono grad viel anders los gsi a dä Abä.
 
U di Lüt si cho, si mier froh gsi, äs isch gwüss ä grossi Früd u Erlichterig bi allnä ufcho wo sich der Saal gfüllt het.
 
Am achti himer üses Programm gstartet, alli si meh oder weniger nervös gsi aber mier his guet gmacht, äs isch tiptop gloffä, jedes het sis Beschtä geh, der Applous hets bestätiget.
 
Scho bim Vorbereitä isches zügi vorwäts gangä u am abä het jedes flissig si Job erlediget, mängisch isches grad chli tubulänt gsi doch niemer het sich la drusbringä. Äs isch ä glungnigä Abä gsi ohn i nervösälä. Dankä,a öich alli, das hit iehr würklich super härä bracht.
 
Am Donschtig druf simer du no alli zämä ghöcklet für nä Rückblick, hi Räschtä gässä u si eifach numä froh gsi, dass alles so guet gloffä isch, sicher chamä jetz da druffä ufbouä we das der Wunsch isch.
 
Dür ds ganzä jahr dür himer anderi Verinsaläss bsuecht, si a Versammligä u Sitzigä.
 
Für d Vision 22 hines d Susanne u Martin ds Frutigä verträtä, lah mier üs la uberraschä öb u was besser wird.
 
Iehr Liebä, äs aktivs Jahr beändä mier hüt, gwaltigä Dank a Jedes, für öjä Isatz, d Mithilf, d Kamerad- u d Fründschaft, mier si ä flotti Gruppä, i bi stolz uf öich, bravo, so machts Früd.
 
Voll Vertrouä u mit gröschter Dankbarkit
 
 
Öjä Presi
Zurück zum Seiteninhalt